Өзгөндөгү бала бакчада болгон окуядан улам директор кызматтан алынды

Агартуу министрлиги Оштун Өзгөн районуна караштуу Кара-Таш айылындагы "Ак ниет шооласы" бала бакчасында болгон окуя боюнча маалымат таратты.

Маалыматта бала бакча жетекчиси менен тарбиячынын ортосунда пикир келишпестик орун алып, алардын кайым айтышканы белгиленет. Буга тарбиячынын жетекчинин баласы бала бакчага кечигип келгендиктен аны кабыл албай койгону себеп болгон.

Окуя териштирилип, бала бакчанын директору ээлеген кызматынан бошотулса, тарбиячыга сөгүш берилген. Мындан тышкары, жаңжалга күбө болгондорго токтотуу аракетин көрүшпөгөнү үчүн эскертүү берилген.

Аталган факт Өзгөн райондук милициясы тарабынан каттоого алынган. Бирок бала бакчанын жетекчиси жана тарбиячысы бири-бирине карата доолору жок экендигин билдиришкен.