Ош мэриясынын Жаштар театры расмий ачылды. Бул тууралуу калаа бийлиги кабарлады.
Маалыматка ылайык, мамлекеттик катчы Арслан Койчиев жана башка мамлекеттик кызматкерлер, ошондой эле акын-жазуучулар, шаар тургундары катышышкан. Театрга залкар жазуучу Чыңгыз Айтматовдун ысымы ыйгарылган.
Театр өз ишмердүүлүгүн казак акыны Мукагали Макатаевдин чыгармасынын негизинде даярдалган "Азыр деле сулуусуңбу, жашсыңбы?" аттуу мюзикл-драмасы менен баштаган.