Шаар сыртына чыксаңыз атчан милиция кызматкерлерин жолуктурушуңуз мүмкүн. Тартип көзөмөлдөнүүдө

Май майрам күндөрүндө милициянын атчандар кавалериясы эс алуу аймактарында тартипти карашууда. Бул тууралуу Бишкек шаардык ички иштер башкы башкармалыгы билдирди.

Маалымдалгандай, алар шаар тургундары көп эс алган жайларда коомдук тартипти жана жарандардын коопсуздугун камсыз кылууда.

"Күн жылып, аба ырайынын жакшырышы менен борбор калаанын тургундары жаратылышта көбүрөөк убакыт өткөрүп, парктарга, жашыл аймактарга жана суу жээктерине барып эс алышууда. Укук бузуулардын алдын алуу жана мүмкүн болгон окуяларга ыкчам чара көрүү максатында милиция кызматкерлери автоунаа жетпеген, жетүүгө кыйын болгон аймактарда да кайгуул жүргүзүшүүдө", - деп айтылат маалыматта.