Бишкекте тоноого шектелип мурда соттолгон жаран кармалды

Бишкекте 23 жаштагы жаран тоноого шектелип кармалды. Бул тууралуу Борбор калаанын милициясы билдирди.

Маалыматка ылайык, ал түндө Ак-Бата жаңы конушунда жабырлануучуга күч колдонуп, анын 1370 доллар турган iPhone 17 Pro Max үлгүсүндөгү телефонун тартып алган. Факт боюнча Кылмыш-жаза кодексинин 206-беренеси (Тоноо) менен кылмыш иши козголгон.

Кармалган шектүү мурда соттолгон. Ошондой эле анын "Алдамчылык" беренеси боюнча издөөдө жүргөнү аныкталган. Шектүү убактылуу кармоочу жайга киргизилген. Учурда тергөө иштери уланууда.

Автор: Кылымбек Бейшеев
Фото: Бишкек ШИИББ