Чүйдө мас абалында унаа айдап качкан шектүү кармалды (видео)

Чүй облусунун Ысык-Ата районунда унааны айдап качууга шектелген жаран кармалды. Бул тууралуу облустук милиция билдирди.

Маалыматка ылайык, 6-май күнү Кант шаарындагы унаа оңдоочу жайлардын биринен Honda Accord үлгүсүндөгү унааны уурдап кетишкен. Милициянын ыкчам издөө иштеринин жүрүшүндө уурдалган унаа көп узабай табылып, аны 2000-жылы туулган Т. уулу Э. мас абалында башкарып бара жаткан жеринен Ивановка айылынын аймагынан кармашкан.

Аталган факты боюнча Кылмыш-жаза кодексинин 211-беренеси менен кылмыш иши козголуп, шектүү убактылуу кармоочу жайга киргизилди. Учурда тергөө амалдары уланып жатканы маалымдалды.