Бишкектеги жаңы автобекеттин курулушу августта аяктайт. Садыр Жапаров жерине барды

Бүгүн, 10-майда президент Садыр Жапаров Бишкек шаарында курулуп жаткан жаңы заманбап автобекет комплексинин курулушунун жүрүшү менен таанышты.

Мамлекет башчысынын басма сөз кызматы билдиргендей, президентке 9 блоктон турган комплекстин долбоору көрсөтүлдү.

Ага төмөнкүлөр кирет:

айдоочулар жана кызматкерлер үчүн мейманкана;
кеңири күтүү залы;
перрон;
административдик имарат;
коммерциялык жайлар;
шаар аралык жана эл аралык автобустар үчүн унаа токтотуучу жайлар;
жеңил жана башка унаалар үчүн өзүнчө токтотуучу жайлар.

Жапаров объектти кыдырып чыгып, курулуштун жана колдонулуучу материалдардын сапатына өзгөчө көңүл бурууну тапшырды. Курулуш иштерин үстүбүздөгү жылдын август айына чейин аяктоо күтүлүүдө.

Автор: Замира Ниязбекова