Бишкекте 32 жаштагы жаран 10-кабаттан кулап каза тапты

Бишкекте курулуп жаткан объекттин 10-кабатынан 32 жаштагы жаран кулап түштү. Маалыматты Ленин райондук милициясынын басма сөз кызматы тастыктады.

Маалыматка ылайык, кырсык кечээ, 10-май күнү болгон. Ал объекттин жогорку кабатында лифт жабдууларын орнотуп жатып кулап кеткен жана ошол жерден каза болгон. Аталган факт боюнча Кылмыш-жаза кодексинин 272-беренеси (Тоо-кен, курулуш же башка жумуштардын коопсуздук эрежелерин бузуу) менен кылмыш иши козголуп, жооптуу кызматкер убактылуу кармоочу жайга киргизилген.

Учурда подряддык уюмдардын өкүлдөрү жана жумушчулар суракка алынууда.

Автор: Кылымбек Бейшеев