Бишкектик дзюдочулар Казакстанда ийгилик жаратышты

Казакстандын Алматы шаарында өткөн эл аралык BERIK CUP турниринде кыргызстандык дзюдочулар байгелүү орундарды алышты. Бул тууралуу Бишкек шаарынын мэриясы кабарлады.

Маалымдалгандай, спортчулар Бишкек шаарындагы "Дельфин" Олимпиадалык резервдеги адистештирилген балдар-өспүрүмдөр спорт мектебинин тарбиялануучулары. Турнирге Казакстан, Тажикстан жана Кыргызстандын ар түрдүү курактагы 400гө жакын спортчусу катышкан.

Жыйынтыгында Салман Юспеков 55 килограмм салмакта 1-орунду, Алтай Болотбеков 55 килограммда 2-орунду, Амир Алмасов 38 клограммда 2-орунду багындырган.

Автор: Кылымбек Бейшеев
Фото: Бишкек шаарынын мэриясы