Кирүү

Ташиевдин ордуна Адылбек Касымалиев шайланды (видео)

Бүгүн, 12-майда Кыргыз футбол биримдигинин президенти болуп министрлер кабинетинин төрагасы Адылбек Касымалиев шайланды.

Касымалиев бул чоң жоопкерчилик экенин айтып, кыргыз футболунун деңгээлин көтөрүү үчүн бардык күч-аракетин жумшай турганын билдирди.

Ал эми КФБнын аткаруу комитетинин мүчөлөрү болуп Акылбек Маматов жана Жохан Ералханов шайланды. Алардын ыйгарым укуктарынын мөөнөтү 2030-жылга чейин созулат.

Эскерте кетсек, 15-апрелде уюмдун жыйыны болуп, анда УКМКнын мурдагы башчысы Камчыбек Ташиев Кыргыз футбол биримдигинин президенти кызматынан кеткенин жарыялаган. Ал 2024-жылдын 19-февралынан тартып биримдикти жетектеп келген.