Бишкекте мектеп окуучусуна жол бербей, жол чырактын кызыл түсүнөн өтүп кеткен айдоочу жоопко тартылды. Бул тууралуу Милициянын кайгуул кызмат башкармалыгынан билдиришти.
Маалыматка ылайык, айдоочуга карата Укук бузуулар кодексинин негизинде протокол түзүлүп, административдик жоопкерчиликке тартылды.
Мекеме айдоочуларды жол кыймылынын эрежелерин так сактоого чакырат.