Бишкекте миң долларлык кочкор уурдалып, шектүү кармалды

Бишкекте мал уурдоого шектелип 26 жаштагы жаран кармалды. Бул тууралуу Биринчи Май райондук милициясы билдирди.

Маалыматка ылайык, ал апрель айында Бугу-Эне-Багыш жаңы конушундагы үйлөрдүн биринин короосунан баасы 1000 доллар турган кочкорду уурдап кеткен. Аталган факт боюнча Кылмыш-жаза кодексинин "Мал уурдоо" беренеси менен кылмыш иши козголгон.

Шектүү убактылуу кармоочу жайга киргизилген. Текшерүүдө анын ошол эле аймакта дагы бир нече мал уурдаганы аныкталган. Учурда тергөө иштери уланууда.

Автор: Кылымбек Бейшеев
Фото: Биринчи Май РИИБ