Бүгүн, 12-майда Жогорку Кеңештин төрагасы Марлен Маматалиев М.Мамакеев атындагы Улуттук хирургия борборуна барып, медициналык мекеменин ишмердүүлүгү менен таанышты. Бул тууралуу Жогорку Кеңештин басма сөз кызматынан билдиришти.
Маалыматка ылайык, иш сапардын жүрүшүндө Төрага өлкөдө алгачкы жолу боор алмаштыруу операциясын ийгиликтүү жүргүзгөн дарыгерлер менен жолугушту.
Ошондой эле операциядан өткөн бейтаптардын абалынан кабар алып, алардын саламаттыгына кызыкты.