Депутат 40 кабатка жеткен өрт өчүрүүчү унаа барбы деген суроо койду

Жогорку Кеңештин депутаты Махабат Мавлянова Бишкекте салына баштаган 40 кабат имаратты мисал келтирип, ага жете турган өрт өчүрүүчүлөрдүн унаасы барбы деген суроо койду.

Парламенттин Агрардык саясат, суу ресурстары, жер казынасын пайдалануу, айлан-чөйрөнү коргоо комитетинин жыйынында өзгөчө кырдаалдар министринин орун басары Алмазбек Асанов 25 кабатка гана жете турган тепкич ташуучу унаа бар экенин айтты.

Эл өкүлү 35-40 кабаттуу имараттарды курган компанияларга унаа тепкичтерин алдырууну сунуш кылды. Асанов сунуш караларын убадалады.