Президент өзгөчө оор кылмыштарды ачыктаган ИИМ кызматкерлерине сыйлык берди

Президент Садыр Жапаров ички иштер органдарынын бир катар кызматкерлерин мамлекеттик сыйлыктар менен сыйлоо жөнүндө жарлыкка кол койду. Бул тууралуу бүгүн, 19-майда президенттин басма сөз кызматы билдирди.

Маалым болгондой, алар өлкөдөгү резонанс жараткан оор жана өзгөчө оор кылмыштардын бетин ачууга кошкон олуттуу салымы үчүн сыйланышты.

"Эрдик" ордени менен:

Акунбеков Таалайбек Акунбекович – Чүй облусунун ички иштер башкы башкармалыгынын тергөө кызматынын тергөөчүсү, милициянын полковниги;
Алагозов Эркин Жумакадырович – Ички иштер министрлигинин Тез чара көрүүчү атайын отрядынын 4-бөлүмүнүн ыкчам өкүл-жоокери, милициянын подполковниги;
Алсеитов Самат Жусупович – Ички иштер министрлигинин Кылмыш иликтөө башкы башкармалыгынын алтынчы башкармалыгынын башчысынын орун басары, IT-технологиялар чөйрөсүндөгү кылмыштардын бетин ачуу бөлүмүнүн башчысы, милициянын полковниги;
Жыргалбеков Аскар Жыргалбекович – Ички иштер министрлигинин Башкы башкармалыгынын башчысынын орун басары, милициянын майору;

"Ардак" медалы менен:

Ашырбаев Өмүрбек Кубанычбекович – Ички иштер министрлигинин Маалыматтык технологиялар башкы башкармалыгынын маалыматтык технологиялар башкармалыгынын маалыматтык-техникалык камсыздоо бөлүмүнүн башчысы, милициянын майору;
Мамырова Дамира Сагыновна – Ички иштер министрлигинин Эксперттик-криминалистикалык кызматынын башчысынын орун басары, милициянын подполковниги;
Турганбаев Асылбек Жумабаевич – Бишкек шаарынын ички иштер башкы башкармалыгынын тергөө кызматынын тергөөчүсү, милициянын подполковниги.