Музей, китепкана... Бишкекте Жаш техниктер станциясы салынууда

Бишкекте Жаш техниктер станциясынын курулушу уланууда. Бул тууралуу борбор калаанын мэриясы билдирди.

Маалымдалгандай, учурда ички жасалгалоо жана фасаддык иштер жүрүп жатат. Имараттын жалпы аянты 2563 чарчы метрди түзөт. Жаңы имарат төрт кабаттан жана жер төлөдөн турат. Анда окуу бөлмөлөрү, музей, китепкана, конференц-зал, ошондой эле балдар үчүн чыгармачылык жана спорттук бөлмөлөр жайгашат.

Жанаша жайгашкан аймакта машыгуу аянты, картодром аянты жана практикалык машыгуу аянтчалары болот.

Автор: Кылымбек Бейшеев
Фото: Бишкек шаарынын мэриясы