Ысык-Көл облусундагы Каракол - Эңилчек унаа жолунда нөшөрлүү жаандан улам сел жүрдү.
Интернет желесине видео тарап, күбөлөр жолдун бир бөлүгүн сел алып кеткендигин билдиришүүдө.
Ал эми ӨКМдин облустагы башкармалыгы аталган жолдун 5-чакырымындагы Маман айылын суу каптап, жолдун жээгин жеп кеткендигин билдирди.
"Учурда абал туруктуу. Унаалар тоскоолдуксуз өтүүдө. Жерине кытай ишканасынын 2 экскаватору, ӨКМдин Ак-Суу райондук бөлүмүнөн ыкчам топ жана Жарандык коргонуу кызматтары тартылып, иш алып барууда",- деп белгиленген маалыматта.