Сел суулары Каракол — Эңилчек унаа жолунун 10-чакырымындагы жолдун жээгин жеп, Ак-Суу районуна караштуу Маман айылында 4, Отуз-Уул айылында 3, Үч-Кайнар айылында 4 турак үйдүн короо жайларын каптады. Бул тууралуу ӨКМдин Ысык-Көл облусундагы башкармалыгынан билдиришти.
Маалым болгондой, селдин кесепеттерин жоюу иштерине облусу боюнча башкармалыктан 9 куткаруучу , Суу чарба башкармалыгынан 1 экскаватор, айыл аймактан 2 экскаватор, "Чайна Роуд" ишканасынан 1 экскаватор тартылды.
Жеринде тазалоо иштери уланууда.