Бишкекте айдоочу унаасы менен тосмону сүзүп алды

Бүгүн, 20-майда Бишкектеги Бакаев көчөсүнүн темир жолдун астынан өткөн бөлүгүндө жеңил унаа катышкан жол кырсыгы катталды.

Алдын ала маалыматтарга караганда, айдоочу Бөкөнбаев көчөсүнөн бара жатып, автоунааны башкара албай жолдон чыгып, өтмөктү сүзгөн. Кырсыктын кесепетинен мамлекеттик мүлккө жана жол инфраструктурасына материалдык зыян келтирилди. Унаа айып короосуна токтотулду.

Калаа мэриясы билдиргендей, бузулган мүлктү калыбына келтирүү иштери белгиленген мыйзамдын жол-жоболоруна ылайык каралып, кийин күнөөлүү тараптан келтирилген зыяндын орду өндүрүлөт.

Автор: Айжанар Рыспек кызы
Фото: Бишкек мэриясы