Жасалма документ пайдаланып мыйзамсыз миграция уюштурууга шектүү кармалды

20-майда УКМК жасалма медициналык маалымкаттарды колдонуу аркылуу чет өлкөлүк жарандардын мыйзамсыз миграциясын уюштурган деп Л.Ц. аттуу жаранды кармады.

Атайын кызматтын маалымат борбору билдиргендей, анын иштеген жерин тинтүүдө 90дон ашык жасалма маалымкат табылды. Ал айрым кыргызстандыктар жана Бишкек шаарындагы үй-бүлөлүк медицина борборунун кызматкерлери менен сүйлөшүп алып, мыйзамсыз миграция каналын уюштурганы белгилүү болду.

Учурда шектүү убактылуу кармоочу жайга киргизилип, тергөө иштери жүрүүдө.

Автор: Замира Ниязбекова