Жайыттарды калыбына келтирүүгө 50 миллион сом бөлүндү (видео)

2026-жылы кунарсыз жана деградацияга учураган жайыттарды калыбына келтирүү максатында республикалык бюджеттен 50 миллион сом каралган. Бул тууралуу 21-майда Айыл чарба министрлигинен билдиришти.

Маалыматка ылайык, аталган каражаттын эсебинен жалпы көлөмү 186 миң 440 килограмм болгон жайыт чөптөрүнүн үрөндөрү сатылып алынды. Анын ичинде:

• кылкансыз түп бош — 28 миң 878 килограмм;

• жайыт райграсы — 28 миң 878 килограмм;

• шаалбаа бетегеси — 42 миң 26 килограмм;

• эспарцет — 86 миң 658 килограмм.

Алынган үрөндөр өлкө аймагындагы түшүмдүүлүгү төмөндөп кеткен жайыттарды жакшыртууга багытталып, мал чарбачылыгынын тоют базасын бекемдөөгө, жайыттардын өндүрүмдүүлүгүн жогорулатууга жана экологиялык абалды жакшыртууга кызмат кылат.