УКМК Манастагы спорт мектебинин курулушунан 7 миллион сом кымыргандарды аныктады

УКМК тарабынан Манас шаарындагы спорт мектебин реконструкциялоодогу коррупция фактылары аныкталды.

Атайын кызмат билдиргендей, Олимпиадалык резервдин аймактык мектебинде оңдоо-курулуш иштерин жүргүзүү жана кошумча инфраструктураларды куруу учурунда мамлекетке 7 миллион 288 миң 597 сом өлчөмүндө материалдык зыян келтирилген. Билим берүү мекемесинин жооптуу кызматкерлери подряддык уюмдар менен сүйлөшүп алышып, мектептин инфраструктурасын жакшыртуу үчүн президенттин фондунан бөлүнгөн каражаттын бир бөлүгүн өздөштүрүп алышкан.

Бул факт боюнча Кылмыш-жаза кодексинин 337-беренесинин 3-бөлүгү боюнча кылмыш иши козголду. Натыйжада техникалык көзөмөл боюнча адис К.К. кармалып, убактылуу кармоочу жайга киргизилди. Тергөө уланууда.

Автор: Замира Ниязбекова