Кечээ, 22-майда нөшөрлөп жааган жаан-чачындын кесепетинен Жалал-Абаддын Аксы, Ала-Бука, Сузак райондорунда жана Таш-Көмүр, Манас шаарларында сел жүрдү. Бул тууралуу өзгөчө кырдаалдар министрлиги билдирди.
Маалыматта айтылгандай, табигый кырсыктын кесепетинен жолдор, көпүрөлөр жабыркап, Манас шаарында 24, ал эми Сузак районунда 30 турак үйдүн короолорун сел суулары каптаган. Учурда тазалоо жана калыбына келтирүү иштери жүрүп жатканы маалымдалды.