Бишкекте үч өспүрүм кыз дайынсыз болууда

Бишкекте үч өспүрүм кыз дайынсыз болууда. Бул тууралуу Ленин райондук милициясы билдирди.

Айданек Дүйшева, 17 жашта. Былтыр 15-октябрда Балдарды адаптациялоо борборунан чыгып кетип, ошол бойдон дайынсыз. Бою 160–165 сантиметр, арык дене түзүлүштө, көзү кара.
Аружан Данакулова, 17 жашта. 2-майда болжол менен саат 17:30да Балдарды адаптациялоо борборунан качып чыгып кеткен бойдон кайткан эмес. Бою 155–160 сантиметр, арык дене түзүлүштө, көзү кара, чачы кара.
Кристина Суханова, 15 жашта. 12-май күнү болжол менен саат 09:30да Балдарды адаптациялоо борборунан качып кеткен. Бою 165–170 сантиметр, арык дене түзүлүштө, чачы кыска.

Милиция аталган кыздарды көргөндөр болсо кабарлап коюуну өтүнөт. Байланыш номуралы: (0312) 35-29-47, (0312) 35-26-71, 0224 21-43-46.

Автор: Кылымбек Бейшеев
Фото: Ленин РИИБ