Президент 3 жашка чейинки балдарга жөлөк пул берүү тууралуу мыйзамга кол койду

Президент Садыр Жапаров мамлекеттик жөлөк пулдарга өзгөртүүлөрдү киргизүү тууралуу мыйзамга кол койду. Тиешелүү документ 25-майда өлкө башчынын расмий сайтына жайгаштырылды.

Мыйзам ушул жылдын 29-апрелинде Жогорку Кеңеш тарабынан кабыл алынган.

Документке ылайык:

"Бала ырысы" ар айлык жөлөк пулу бала төрөлгөн күндөн тартып 3 жашка чыкканга чейин берилет,
Жөлөк пулдун бул түрүндө эгиз же үч эм төрөлсө, ар бир балага өзүнчө дайындалат,
Төлөмдүн бул түрү “бийик тоолуу аймактардын жашоочуларына көмөк” жөлөк пулун алган жарандардан башкасынын баарына берилет,
"Бала ырысы" ар айлык жөлөк пулу бала ата-эне менен чогуу жашаган учурда дайындалат,
"Бала ырысы" ар айлык жөлөк пулу 2023-жылдын 1-августунан тартып төрөлгөн балдарга берилет.