Облус башчылары эми жылына эки жолу эл менен жолугушууларды өткөрүп турушат

Президенттин облустардагы ыйгарым укуктуу өкүлдөрү калк менен милдеттүү жолугушууларды жылына эки жолудан өткөрүп турушат. Тиешелүү мыйзамга президент Садыр Жапаров кол койду.

Жарлык президенттин ушул жылдын 10-15-апрелиндеги Ош облусуна жана Ош шаарына болгон иш сапарынын жыйынтыктары боюнча тапшырмасын аткаруу максатында иштелип чыккан.

Документке ылайык, облус башчылары калк менен милдеттүү жолугушууларды ар бир жылдын февраль-мартында жана ноябрь-декабрында өткөрүшөт.

Автор: Айжанар Рыспек кызы
Фото: интернеттен алынды