18 жашка чыга электерге электросамокат айдоого тыюу салынабы?

Жеке мобилдүүлүк каражаттарын (Электросамокат, гироскутер жана башка) ижарага берүүнү тескөөнү жана жол кыймылынын коопсуздугун камсыздоону сунуштаган мыйзам долбоору иштелип чыкты. Автору Жогорку Кеңештин депутаты Медер Чотонов.

Парламенттин сайтындагы коомдук талкууга коюлган документте электрсокаттардын колдонуунун жол-жоболору жазылган.

18 жашка чыга электерге электросокаттарды колдонууга чектөө киргизүү;
Жашы жете электерге берилген учурда айып пул салуу;
Жеке мобилдүү каражаттарды пайдалануу үчүн жарандын өздүгүн тактаган документи (паспорт жана башка) болушун шарттоо;
Ижарага берген юридикалык жактардын жоопкерчилигин жогорулатуу;
Колдонуу эрежелеринин сакталышын көзөмөлдөөнүн укуктук механизмин түзүү.

Мыйзам долбоорунун маалымкат-негиздемесинде белгиленгендей, акыркы учурларда электросамокаттардын катышуусундагы жол кырсыктарынын саны көбөйгөн. Мындай учурлар өз кезегинде жарандардын ден соолугуна жана өмүрүнө коркунуч жаратууда.

Автор: Кылымбек Бейшеев