Жанар Акаев Акжол Махмудовго акчалай сыйлык тапшырды

Ош шаарынын мэри Жанар Акаев белгилүү балбан Акжол Махмудовду жана анын жеке машыктыруучусу Мейрамбек Ахметовду кабыл алды. Бул тууралуу калаа бийлиги кабарлады.

Маалымдалгандай, жолугушууда шаар мэри спортчуну жетишкен ийгиликтери менен куттуктап, алдыдагы мелдештерине ийгилик каалаган. Өз кезегинде Акжол Махмудов көрсөтүлгөн колдоо үчүн ыраазычылык билдирип, мындан ары да Кыргызстандын желегин бийик көтөрүүгө аракет кыларын айткан.

Жолугушуунун соңунда Акжол Махмудовго 100 миң сомдук, ал эми Мейрамбек Ахметовго 50 миң сомдук сертификат тапшырылган. Ошондой эле мэр жакынкы айларда Акжол Махмудовдун катышуусунда Ош шаарында ири спорттук иш-чара өткөрүлөрүн белгилеген.

Автор: Кылымбек Бейшеев
Фото: Ош шаарынын мэриясы