2013-жылы Маданият министрлиги бюджеттен каралган суммадан 1 миллиард сом ашык каражат сарптаган

2013-жылы Маданият, маалымат жана туризм министрлиги бюджеттен каралган суммадан 1 миллиард сомдон ашык каражат сарптады. Бул тууралуу бүгүн, 28-январда мекеменин басма сөз кызматы кабарлады.

Маалыматка ылайык, маданият тармагына 1 миллиард 127 миллион 173 миң 400 сом иштетилди. Ошонун ичине бөлүмдөр:

– Борбордук аппарат – 11 миллион 577 миң 700 сом;

– “Маданият” – 626 миллион 987 миң сом;

– “Билим берүү” – 342 миллион 795 миң 800 сом;

– “Областтык телерадио уюмдар” – 32 миллион 109 миң 600 сом;

– “Областтык жана райондук гезиттердин редакциялары” – 39 миллион 975 миң 700 сом;

– кино департаменти – 66 миллион 527 миң 200 сом;

– туризм департаменти – 7 миллион 200 миң 400 сом.

2012-жылга салыштырмалуу 2013-жылы 107 миллион 544 миң 800 сомго көп каражат пайдаланылды.

Автор: Нургазы Аматов