Ак-Талаа районунда сел каптаган Баетов–Макмал унаа жолу тазаланып, каттам ачылды. Бул тууралуу Транспорт жана коммуникациялар министрлигинин маалымат кызматы маалымдады.
Ага ылайык, кечээ аталган жолдун 14–16-чакырым аралыгында сел жүрүп, жолдун айрым тилкелерин жууп кеткен.
Учурда жеринде жолду калыбына келтирүү жана сел калдыктарын тазалоо иштери жүргүзүлүүдө. Ошондой эле суунун агымын туура багыттоо жана буруу иштери аткарылууда.