Чолпон-Ата шаарында курал-жарак катылган жай табылды.
УКМК жашыруун жай кримтөбөл Камчы Көлбаевге таандык болгон объекттин жанынан табылып, куралдарды анын уюшкан кылмыштуу тобунун мүчөлөрү мыйзамсыз иштерде колдонуп келишкенин билдирди. Кароо учурунда 4 даана кесилген мылтык, бир согуштук револьвер жана башка куралдар менен беткаптар алынгандыгы кабарланды.
Учурда тергөө иштери уланууда.