Караколдо сүттү кайра иштетүүчү 4 ишканага мониторинг жүргүзүлдү

Ысык-Көл облусунун Каракол шаарында "Ак-Булак Плюс", "Ысык-Көл Сүт", "Май Булак Каракол" жана "Ала-Тоо Сүт" сүттү кайра иштетүүчү ишканаларында мониторинг жүргүзүлдү.

Айыл чарба министрлиги маалымдагандай, айрым ишканаларда ветеринардык коштоочу документтердин толук талап кылынбаганы, өз убагында санитардык тазалоо иштеринин жүргүзүлбөгөнү, дезинфекциялык каражаттарды эсепке алуу боюнча документтердин жетишсиздиги жана өндүрүштүк көзөмөл журналдарынын толук жүргүзүлбөгөнү аныкталды.

Буга байланыштуу ишканалардын жетекчиликтерине тиешелүү көрсөтмөлөр берилип, ветеринардык-санитардык талаптарды так сактоо милдеттендирилди.

Автор: Меерим Кабылова
Фото: Айыл чарба министрлиги