Мавлян Аскарбеков 2 айга камакка алынды

Жарандык активист, саясатчы Мавлян Аскарбеков 12-августка чейин камакка алынды. Маалыматты Бишкек шаардык сотунун басма сөз кызматы тастыктады.

Маалымтта айтылгандай, кечээ, 13-июнда Ленин райондук соту аны камакка алуу боюнча УКМКнын тергөөчүсүнүн өтүнүчүн канааттандырган. Ага Кылмыш-жаза кодексинин 330-беренеси (Расалык, этностук, улуттук, диний же региондор аралык кастыкты (араздашууну) козутуу) боюнча айып тагылууда.

Айта кетсек, Аскарбеков УКМК тарабынан кармалганы айтылган. Бирок атайын кызмат бул тууралуу расмий маалымат бере элек.

Автор: Кылымбек Бейшеев