Футбол-2026: Конго курамасы Дүйнө чемпиондугуна өзгөчө кийим менен барды (видео)

2026-жылдагы футбол боюнча Дүйнө чемпиондугуна келген Конго Демократиялык Республикасынын курамасы өзгөчө образы менен көпчүлүктүн көңүлүн бурду.

Футболчулар учактан кадимки спорттук кийим менен эмес, атайын тигилген илбирс үлгүсү бар костюмдар менен түшүштү. Кийимдерде африкалык маданий мурастын элементтери колдонулган. Ошондой эле баштыктары, атайын төш белгилери да бар.

Белгилей кетсек, Конго курамасы Өзбекстандын Дүйнө чемпиондугундагы атаандаштарынын бири. К тайпасындагы Конгонун алгачкы оюну 17-июнда башталат. Анда алар Португалияга каршы оюн өткөрөт.