Кадамжайда 5 миллион сомдук алдамчылыкка шектелген жаран кармалды

Баткен облусунун Кадамжай районунда алдамчылыкка шектүү жаран кармалды. Бул тууралуу 15-июнда облусттун милициясынан билдиришти.

Маалымдалгандай, милицияга аталган райондун 27 жаштагы тургуну арыз менен кайрылган. Анда 2025-жылы М.Ш. аттуу жаран анын 5 унаасын сатып берүүнү убадалап алып кеткенин жана 3 миллион 510 миң сом акча каражатын алдоо жолу менен алганын билдирген. Жалпысынан жабырлануучуга 5 миллион 295 миң сом өлчөмүндө материалдык зыян келтирилген.

Бул факты боюнча Кылмыш-жаза кодексинин 209-беренеси (Алдамчылык) менен кылмыш иши козголгон.

Ыкчам-иликтөө иштеринин натыйжасында М.Ш. аттуу Кочкор-Ата шаарынын 45 жаштагы тургуну кармалган. Учурда тергөө амалдары улантылууда.

Автор: Меерим Кабылова
Фото: Баткен ОИИБ