Таластын Беш-Таш дарыясынын суусу Көчмөндөр оюндарына алынып келе жатат

VI Дүйнөлүк көчмөндөр оюндарынын алкагында "Биримдик кербени" Талас облусунан жолго чыкты. Бул тууралуу облустук өкүлчүлүктөн билдиришти.

Кербендин өкүлдөрү Беш-Таш дарыясынын суусу куюлган көөкөрдү борборго алып келе жатышат.

Буга чейин облус өкүлдөрү Баткен облусундагы Суу-Башы булагынан, Ош облусундагы Ак-Буура дарыясынан көөкөргө суу куюп жолго чыгышкан.

Айта кетсек, "Биримдик кербенинин" алкагында ар бир дубандан шайланган өкүлдөр ошол аймактагы суудан көөкөргө куюп алып, Бишкекти көздөй сапарга чыгышат.

Автор: Меерим Кабылова