Бүгүн, 19-июнда президент Садыр Жапаров жана Кыргызстанга расмий иш сапары менен келген Албаниянын президенти Байрам Бегай этномаданий программа менен таанышышты.
Президенттин администрациясы кабарлагандай, иш-чара Ысык-Көл облусунун Бостери айылындагы “Номад” амфитеатрында өттү. Конокторго кыргыз элинин маданий-тарыхый мурастарын чагылдырган инсталляциялар, жаа атуу, куш салуу сыяктуу салттуу мелдештер көрсөтүлдү.