Футбол боюнча Дүйнө чемпиондугунун D тайпасындагы беттеште Парагвай курама командасы Түркияны 1:0 эсебинде жеңди. Оюн АКШнын Санта-Клара шаарындагы "Левайс" стадионунда өтүп, башкы калыс болуп сальвадордук Иван Бартон тейледи.
Оюндун башталышында, 2-мүнөттө, Парагвайдын жарым коргоочусу Матиас Галарса эсепти ачты. Бирок биринчи таймдын соңунда Мигель Альмирон кызыл айып кагазын алып, Парагвай бир оюнчу кем болуп калды. Ага карабастан жеңиш парагвайлыктардын капчыгында калды.