Өзбекстандын өкмөт башчысы Кыргызстанга иш сапар менен келди

Өзбекстандын премьер-министри Абдулла Арипов Кыргызстанга жумуш сапары менен келди. Ардактуу конокту “Ысык-Көл” эл аралык аэропортунан министрлер кабинетинин төрагасы Адылбек Касымалиев тосуп алды.

Белгилей кетсек, 23-июнда Касымалиев менен Ариповдун жетекчилигинде кыргыз-өзбек эки тараптуу кызматташуу боюнча биргелешкен өкмөттөр аралык комиссиясынын тар жана кеңейтилген курамда 12-отуруму болот.

Жыйындардын алкагында эки тараптуу кызматташуунун маанилүү багыттары каралып, документтерге кол коюлат.

Автор: Айжанар Рыспек кызы
Фото: Министрлер кабинети