Жашы жете элек кыздардын телефон номерин сураган чет өлкөлүк жаран кармалды (видео)

Социалдык тармактарда чет өлкөлүк жаран жашы жете элек кыздардан телефон номерлерин сурагандыгы тууралуу видео тараган. Бул факты боюнча Бишкек шаарынын Ленин РИИБи текшерүү иштерин жүргүзгөн.

Текшерүүнүн жүрүшүндө 2006-жылы туулган А.S. аттуу чет өлкөлүк жаран аныкталып, аны менен профилактикалык түшүндүрүү иштери жүргүзүлгөн. Аталган факты боюнча эч кандай арыз түшкөн эмес.

Жыйынтыгында чет өлкөлүк жарандын миграциялык мыйзамдарды бузгандыгы аныкталып, ага карата протокол түзүлдү. Тиешелүү жол-жоболор аяктагандан кийин аталган жаранды өлкө аймагынан чыгаруу боюнча чаралар көрүлөт.