Максат Садырбеков менен Айсулуу Молдалиева төртүнчү наристесин күтүп жатышат

Ырчы Максат Садырбеков жана анын жубайы, блогер Айсулуу Молдалиева жакында төртүнчү ирет ата-эне болорун сүйүнчүлөштү. Жубайлар бул кубанычтуу кабарын социалдык тармактагы баракчалары аркылуу бөлүшүп, күйөрмандарынан көптөгөн куттуктоолорду кабыл алышууда.

Жарыяланган видеодо түгөйлөр үй-бүлөсүнө дагы бир наристе кошуларын билдирип, жакындары жана күйөрмандары менен кубанычын тең бөлүшкөн.

Белгилей кетсек, Максат Садырбеков менен Айсулуу Молдалиева кыргыз шоу-бизнесиндеги үлгүлүү үй-бүлөлөрдүн бири катары таанылып, учурда үч баланы тарбиялап келишет.