Чүйдө мушташ орун алып, 20дан ашык жаран милицияга жеткирилди

Чүйдөгү "Гаваи" эс алуу борборунун аймагында мушташ орун алып, 22 жаран милицияга жеткирилди. Бул тууралуу облустук милициядан маалымдашты.

Билдирүүгө ылайык, окуя кечээ саат 23:47 чамасында катталган.

Окуянын катышуучулары ортосундагы пикир келишпестиктен улам мушташ чыккан. Кийинчерээк алар унаалар менен бири-бирин кууп жүрүшүп, ок атылып жана таш ыргытылган. Натыйжада Мерседес-Бенц Спринтердин айнектери жана күзгүлөрү талкаланган.

Бул окуя боюнча кылмыш иши козголуп, тергөө амалдары жүргүзүлүүдө. Окуяга тиешеси бар делген 22 жаран жана 5 автоунаа аныкталып Чүй РИИБиге жеткирилген.

Автор: Айжанар Рыспек кызы
Фото: интернеттен алынды