ФИФА парагвайлык комментатор Хорхе Веранын аккредитациясын жокко чыгарып, аны Дүйнө чемпиондугун чагылдыруудан четтетти.
Чет элдик спорт басылмалары билдиргендей, буга анын Парагвай курама командасынын жарым коргоочусу Мигель Альмирон кызыл айып кагазын алгандан кийинки калыска жана ФИФАга карата эмоционалдуу билдирүүлөрдү жасаганы себеп болгон. Кийинчерээк журналист айткан сөздөрү үчүн кечирим сураган. Бирок ABC телеканалы аны чемпиондукка байланыштуу бардык берүүлөрдөн четтеткен.