“Мен чемпионмун” оюндары: Бокс боюнча жеңүүчүлөр аныкталды

25-июнда Жалал-Абад облусунун Манас шаарында өткөн республикалык “Мен чемпионмун” оюндарынын алкагындагы бокс боюнча мелдештер жыйынтыкталды. Бул тууралуу дене тарбия жана спорт мамлекеттик агенттигинен билдиришти.

Мелдешке өлкөнүн жети облусунан келген 70 жаш мушкер катышып, күч сынашты. Жыйынтыгында командалык эсепте төмөнкү облустар алдыңкы орундарды ээледи:

1-орун — Чүй облусу
2-орун — Жалал-Абад облусу
3-орун — Ысык-Көл облусу

Мелдеш жаш спортчулардын чеберчилигин арттырып, келечектеги чемпиондорду аныктоого жакшы мүмкүнчүлүк түздү.

Автор: Айзада Кыдырмышева