1-сентябрдан мамлекеттик жана муниципалдык кызматкерлердин маянасы жогорулайт

1-сентябрдан тартып мамлекеттик жана жергиликтүү өз алдынча башкаруу органдарынын кызматкерлеринин эмгек акысы жогорулайт.

Финансы министрлигинин маалыматына ылайык, аталган иштер эмгек акы төлөө системасын өркүндөтүү реформасынын алкагында ишке ашырылууда. Ага ылайык,

Мамлекеттик органдардын жана жергиликтүү өз алдынча башкаруу органдарынын техникалык жана кенже тейлөөчү персоналынын, ошондой эле жалданма жана жарандык персоналдын эмгек акысы 50 пайызга чейин жогорулатылат;
Иштин татаалдыгы, сапаты, жыйынтыгы, кесиптик демилге жана ченемге салынбаган иш режими үчүн үстөк акы 50 пайызга чейин көбөйтүлөт;
Айрым ведомстволук жана аймактык бөлүмдөрдүн кызматкерлерине 15 миң сом өлчөмүндө президенттик компенсация төлөнөт.