Таш-Көмүрдө "Шахтёр" стадиону пайдаланууга берилди (сүрөт)

Таш-Көмүр шаарында кечээ, 27-июнда "Шахтёр" стадионунун ачылыш аземи өттү. Ага министрлер кабинетинин төрагасы Адылбек Касымалиев катышты.

Иш-чаранын жүрүшүндө курулуш министри Нурдан Орунтаев долбоордун ишке ашырылышы тууралуу маалымат берди.

1963-жылы курулган стадион капиталдык реконструкциядан өтүп, 3975 көрүүчүгө ылайыкталган заманбап аренага айланды. Анда трибуналар, жарыктандыруу, жасалма газон жана спортчулар үчүн бардык зарыл инфраструктура жаңыланды.

Иш-чаранын соңунда Биринчи лиганын кубогу алкагында “Шахтёр” жана “Базар-Коргон” командаларынын ортосундагы оюн орун алды.

Автор: Айжанар Рыспек кызы
Фото: Курулуш министрлиги