Министрлик каникул мезгилинде балдардын коопсуздугуна көңүл бурууга чакырды

Акыркы учурда өлкөдө балдардын сууга агып кетүүсүнө байланыштуу кайгылуу окуялар көп катталууда. Буга байланыштуу Агартуу министрлиги жайкы каникул мезгилинде ата-энелерди жана мыйзамдуу өкүлдөрдү балдардын коопсуздугуна көңүл буруп, төмөнкү эрежелерди сактоого чакырат.

Балдарды кароосуз калтырбаңыздар, алардын кайда жүргөнүн дайыма көзөмөлдөңүздөр;
Балдардын агын сууларга, каналдарга жана башка кооптуу көлмөлөргө жакындашына жана түшүүсүнө жол бербеңиздер;
Көлгө же башка суу жайларына барганда коопсуздук эрежелерин так сактап, балдарды чоңдордун көзөмөлүсүз сууга түшүрбөңүздөр;
Балдардын мурда барбаган тоолуу аймактарга жалгыз чыгуусуна жана белгисиз өсүмдүктөрдү, мөмөлөрдү жешине жол бербеңиздер.