Кыргыз-Өзбек эл аралык университетине жаңы ректор дайындалды

Батыралы Сыдыков атындагы Кыргыз-Өзбек эл аралык университетинин ректору болуп Алтынбек Зулпукаров дайындалды.

Илим министрлиги билдиргендей, жаңы ректор университеттин эмгек жамаатына бүгүн тааныштырылды.

Алтынбек Зулпукаров 1989-1994-жылдары Ош мамлекеттик университетинде Математика, информатика жана эсептөө техникасы мугалими адистигине ээ болгон.

2010-жылы физика-математика илимдеринин кандидаты окумуштуулук даражасын ийгиликтүү жактап, 2014-жылы Математика адистиги боюнча доцент окумуштуулук наамын алган.

Бүгүнкү күндө 21 илимий макаланын жана 11 окуу-усулдук колдонмонун автору.

Ректорлук кызматка тандоо ачык сынактык негизде өткөрүлгөн.

Автор: Айжанар Рыспек кызы
Фото: Илим министрлиги