Дайырбек Орунбеков талкуу жаратып жаткан "Э" жана "Е" тамгалары боюнча билдирди

Президенттин администрациясынын маалыматтык саясат бөлүмүнүн башчысы Дайырбек Орунбеков социалдык тармактарда кызуу талкуу жараткан "Э" жана "Е" тамгалары боюнча жазды.

Анын айтымында, Улуттук илимдер академиясынын окумуштуулары чыгарган коомдук талкуу бул – жеке көз караш жана жеке демилге.

"Мамлекет тарабынан кыргыз алфавитин өзгөртүү боюнча эч кандай чечим да, демилге да көтөрүлгөн эмес. Кыргыз алфавити мурдагыдай эле 36 тамгадан турат жана өзгөрүүсүз калат",- деп жазган ал.

Ошондой эле Орунбеков мындай сунуштарды коомчулукка чыгарардан мурда анын зарылдыгын, кесепеттерин кылдат таразалап чыгуу керектигин эске салды.

Автор: Меерим Кабылова