Интернет, чалуулар кайсы учурда өчүрүлүшү мүмкүн? Президент мыйзамга кол койду

Президент Садыр Жапаров Санарип кодексине өзгөртүү киргизген мыйзамга кол койгонун өлкө башчынын администрациясы кабарлады.

Мыйзамда каралган нерселер:

Улуттук коопсуздук органдарына маалыматтарды жашыруун алууга арналган атайын техникалык каражаттарды борборлоштурулган эсепке алууну жүргүзүү боюнча милдеттерди бекитүү;
Улуттук коопсуздук органдары жана ички иштер органдары тарабынан телекоммуникациялык тарамдарды пайдалануу менен байланышкан иликтөө иштерин техникалык жактан жүзөгө ашырууну киргизүү;
Өзгөчө абал режими киргизилген шартта же массалык башаламандыктар, куралдуу чыр-чатактар мезгилинде конкреттүү мобилдик түзүлмөгө карата телекоммуникациялык сервистерди көрсөтүүнү убактылуу токтотуунун жана кайра улантуунун өзгөчө тартибин киргизүү;

Айта кетсек, мыйзам 4-июнда Жогорку Кеңеши тарабынан кабыл алынган.

Автор: Кылымбек Бейшеев