Колледждерге кабыл алуу графиги бекитилди

Илим, жогорку билим берүү жана инновациялар министрлиги орто кесиптик билим берүү уюмдарына (колледждерге) абитуриенттерди кабыл алуу графигин бекитти.

Билдирүүгө ылайык, каттоо 13-июлдан 19-августка чейин бир нече этап менен жүргүзүлөт.

Тандоо турлары:

I тур - 13-июлдан;
II тур - 20-июлдан;
III тур - 27-июлдан;
IV тур - 3-августтан;
V тур - 10-августта башталат.

Бош орундар калган учурда кошумча кабыл алуу 17-21-август күндөрү жүргүзүлөт.

Документтер "Абитуриент Online" автоматташтырылган маалыматтык системи аркылуу кабыл алынат. 9-класстын бүтүрүүчүлөрү үчүн сынак билими тууралуу документтин орточо баасына ылайык жүргүзүлсө, 11-класстын бүтүрүүчүлөрү үчүн Жалпы республикалык тестирлөөнүн жыйынтыктарынын негизинде өткөрүлөт.